ES-nevndarforkvinnan lovar Grønlandi og Danmark stuðul

Forkvinnan í ES-nevndini, Ursula von der Leyen, stuðlar Grønlandi og Danmark í spurninginum um sjálvræði, nú USA fleiri ferðir í seinastuni hevur dyrgt eftir at fáa Grønland.

Tað skrivar Ritzau sambært Sermitsiaq.

Ursula von der Leyen, sum er á vitjan í Danmark í dag, segði í eini røðu á yvirmannaskúlanum hjá danska herinum í Keypmannahavn:

- Eg vil fegin gera øllum í Grønlandi, og Danmark sum heild, greitt, at Evropa altíð fer at standa fyri yvirræði og rættinum til sjálvræði.

Finnast at Trump

Grønlendska landsstýrið, Naalakkersuisut, og flokkarnir í landstinginum, Inatsisartut, hava hvassliga víst aftur ætlanini hjá Donald Trump, forseta, at leggja Grønland undir seg. 

Málið hevur eisini verið viðgjørt á ES-toppfundi í Brússel, og tá játtaðu ríkis- og stjórnarleiðararnir Danmark sín fulla stuðul í spurninginum Grønland. 

Amerikanski forsetin heldur, at Danmark hevur ikki dugað nóg væl tryggja seg í Arktis, nú Russland dubbar seg.

Tað hevur vakt miklan ans kring heimin, at USA hevur hótt við at taka landaøki frá einum øðrum Nato-landi.