Mayday í spølni

Fyrrapartin í gjár var skipað fyri bjarging, har millum annað tyrla var við, tí mayday, neyðarróp, var á kanal 16.

Ein lítil bátur sendi mayday.

Tyrlan, sum var í flogi tætt við, og bátar komu skjótt á staðið og staðfestu, at eingin vandi var á ferð. 

Onkur í bátinum umborð hevði rópt mayday í spølni.

Helst er talan um barn, so MRCC ger ikki meira við málið.

Uppsteðgaður

Aftur í gjár hevði ein bátur brúk fyri hjálp.

Í gjárkvøldið boðaði útróðrarbátur frá, at hann var uppsteðgaður við Lítlu Dímun.

Hann bað um sleip til Hvalbiar.

Bjargingarbáturin Royndin úr Hvalba fór eftir honum.