Sera javnt millum tey fremstu í Vágum

Stórur spenningur var í besta bólkinum í tvíspor, tá kappríðingarárið byrjaði á vøllinum hjá Vága Ríðingarfelag leygardagin.

Bert tríggir hundraðpartar av einum sekundi vóru á muni millum vinnaran Silfá við Ásu Bárðardóttir á baki og Braga og Alberg Lútzen, sum endaðu nummar tvey, skrivar Ríðisamband Føroya. 

Silfá kom á mál við tíðini 18,15 sek, meðan Bragi fekk tíðina 18,18 sek. Á triðja plássið endaði Svanna við Barbaru Carlsen við tíðini 18,23. Talsamans vóru einans 68 hundraðpartar av einum sekundi millum nummar eitt og nummar seks.

Tvíspor 2 flokk vann Marengo og Barbara Carlsen, nummar tvey var Tindur við Barbaru R. Mouritzen og nummar trý Litbrá og Elisabeth Niclasen. Tvíspor ung vann Thor við Sólrun Lútzen, nummar tvey var Kiljan og Simona Tornby og nummar trý Orka og Eyðdis Halsdóttir.

Trav vann Dropi og Lív Djurhuus, nummar tvey var Gígur og Simona Tornby og nummar trý var Gletta og Marner Joensen. Skeiðkappingina vann Stígur við Randarsól Heinesen í saðlinum, nummar tvey var Brúni og Jóannes Debes og nummar trý Vørður og Sólja Jógvansdóttir. Tølti vann Brynjar og Regin Johannessen, nummar tvey var Tango og Geir Wardum og nummar trý Strákur og Bárður Johannessen.