Sirið Stenberg: Tað snýr seg um, hvørjum vit eru samsint við

-Tað snýr seg um, hvønn vit eru samsint við, segði Sirið Stenberg millum annað, tá hon tók orðið.

Fyrsta viðgerð av lógaruppskotinum um at geva landsstýriskvinnuni í uttanríkismálum víðkaða heimildi at seta revsitiltøk í verk var í dag.

Atfinningarnar vóru nógvar - serliga frá Fólkaflokkinum, ið beinleiðis bað landsstýriskvinnuna taka lógaruppskotið aftur - og ivaspurningarnir frá tingfólki enn fleiri.

Men svarið hjá landsstýriskvinnuni í uttanríkismálum fór ein heilt annan veg. 

-Tað snýr seg at standa saman við teimum, sum standa fyri somu virðum sum vit, segði Sirið Stenberg:

Landsstýriskvinnan í uttanríkismálum sigur seg skilja óttan fyri at henda heimildin - verður hon brúkt - kann seta fiskivinnuavtaluna við Russland í vanda. Men sambært Sirið Stenberg ætlar landsstýrið at ansa væl eftir, at galdandi fiskiveiðiavtala við Russland verður hildin - samstundis sum landsstýrið eisini ætlar at taka neyðugu, trygdarpolitisku atlitini, sum landsstýriskvinnan orðaði seg:

Fyrr í dag segði Jóhan Christiansen, landsstýrismaður í fiskivinnumálum, at landsstýrið FER til samráðingar við Russland um eina fiskiveiðiavtalu við Russland.

Landsstýriskvinnan í uttanríkismálum lovaði av tingsins røðarapalli, at fær hon heimildina at seta nýggj revistiltøk í verk, so skal heimildin brúkast við virðing.