Norðurlandahúsið skal hava nýggjan stjóra

Norðurlandahúsið skal hava nýggjan stjóra fyri Gunn Hernes, sum hevur verið í starvinum síðan 2018.

Starvið var tíðaravmarkað til 2022, men er longt einaferð síðan.

Tað er norðurlendska ráðharraráðið, sum søkir eftir stjóranum til Norðurlandahúsið, sum skal byrja í starvi 1. apríl næsta ár. Umsóknarfreistin er 5. november.

Áðrenn Gunn Hernes tók við sum stjóri í Norðurlandahúsinum var hon framleiðsluleiðari í Norðurlandahúsinum í Íslandi.

Frammanundan hevði hon m.a. ábyrgd av dagliga rakstrinum av altjóða pallfyritøkum, eins og hon hevur verið verkætlanarleiðari í sambandi við tónleika- og mentanartiltøk.