Gongur striltið at semjast um fíggjarlóg í Noregi

Tað gongur striltið hjá norska forsætisráðharranum, Jonas Gahr Støre, at fáa politisku flokkarnar at semjast um fíggjarlógina fyri næsta ár.

Tað skrivar norska kringvarpið.

Seinastu vikurnar hava Javnaðarflokkurin, Senterflokkurin, Tey reyðu og Tey grønu samráðst um fíggarlógina.

Sum er, eru Javnaðarflokkurin, Senterflokkurin og Tey reyðu samd um fíggjarlógina, meðan tey grønu hava tikið seg úr samráðingunum. Tey grønu hava kravt, at størri dentur verður lagdur á umhvørvispolikk.

Sosialistiski Vinstriflokkurin, SV,  er heldur ikki við í semjuni, men flokkurin hevur ikki tikið seg úr samráðingunum.

Ikki meiriluti

Í løtuni er ikki meiriluti fyri uppskotinum um fíggjarlóg.

Norski forsætisráðharrin, Jonas Gahr Støre, vísir aftur, at talan er um eina stjórnarkreppu. Hann væntar, at ein semja fæst. 

- Nógv gott er í uppskotinum, men tað krevur nakað arbeiði aftrat.  Eg havi álit á, at vit fara røkka málinum, sigur Jonas Gahr Støre við norska kringvarpið.

Fríggjadagin fer stórtingið atkvøða um fíggjarlógina.