Skulu fáa eftirlønarsamansparing útgoldna fyrr

Fólk, sum fáa framskundaða pensjón ella fyritíðarpensjón, eiga at kunna byrja útgjald av eftirlønarsamansparing, áðrenn tey koma í fólkapensjónsaldur.

Tað hevur Fíggjarmálaráðið gjørt uppskot um.

Uppskotið er, at hesi fólk kunnu byrja eftirlønarútgjald trý ár fyri galdandi fólkapensjónsaldur. 

Tað fer ikki at loysa seg hjá øllum at fáa pensjónssamansparingina útgoldna, sigur Fíggjarmálaráðið.

Tí noyðist hvør einstakur at gera av, um tikið verður av nýggja møguleikanum. 

Fólk, sum hava framskundaða pensjón ella fyritíðarpensjón, kunnu í 2026 hava 106.000 kr. í árligari inntøku, áðrenn pensjónin lækkar. 

Lógarbroytingin skal koma í gildi 1. mars næsta ár.