- Tíðindi, mentan og ítróttur
Amerikanskir senatorar til Keypmannahavnar fríggjadagin
Amerikanskir senatorar til Keypmannahavnar fríggjadagin
Sjey demokratar og ein republikanari eru í sendinevndini
Chris Coons stendur á odda fyri sendinevndini av amerikanskum senatorum, sum fer at hitta umboð fyri donsku stjórnina og grønlendska landsstýrið í Keypmannahavn um vikuskiftið.
13.01.2026 - 08:19
Sendinevndin við amerikanskum senatorum, sum skal hitta umboð fyri donsku og grønlendsku stjórnina, kemur til Keypmannahavnar fríggjadagin.
Tað skrivar danska TV2.
Fríggjadagin og leygardagin fara partarnir at umrøða stuðulin til kongsríki Danmarkar, og "hvussu samstarvið kann verða lýst gjøllari í samsvari við felags meginreglur um fullveldi og sjálvsavgerðarrætt", stendur í tíðindaskrivi frá Chris Coons úr Delaware, ið stendur á odda fyri sendinevndini.
Tilsamans átta senatorar eru við í sendinevndini. Sjey eru úr demokratiska flokkinum og ein úr republikanska flokkinum.
Er kopiera
Nýggjastu sendingar í ÚV
Nýggjastu sendingar í SV
