ES gevst at innflyta russiskt gass í 2027

ES hevur avgjørt at banna innflutningi av russiskum gassi í 2027.

Tað skrivar tíðindastovan Reuters.

Bannið varð kunngjørt fyrst í desember, men er formliga samtykt á ES-fundi í Brússel í dag.

Avgerðin varð tikin umleið fýra ár eftir stóru russisku innrásina í Ukraina í 2022.

40 prosent komu úr Russlandi

Fyri kríggið í Ukraina stóð Russland fyri meira enn 40 prosentum av gassveitingini hjá ES, skrivar Reuters. 

Í fjør komu umleið 13 prosent av gassinum, sum ES innflytur, úr Russlandi, upplýsir tíðindastovan.

Slovakia og Ungarn vóru einastu londini  í ES, sum atkvøddu ímóti. 

Ungarn hevur boðað frá, at tað fer at skjóta málið inn fyri Evropeiska dómstólin.