Krúnprinsessan harmast vinarlagið við Epstein

Norska slottið sigur í dag, í sambandi við Epstein-skjølini, har Mette-Marit krúnprinsessa verður nevnd fleiri ferðir, at  krúnprinsessan leggur dent á, at hon tekur stóra frástøðu frá kynsligum ágangi og kriminellu gerðunum hjá Jeffry Epstein.

- Hon er sera hørm um ikki at hava skilt nóg tíðliga, hvat slag av mennsikja hann var, stendur í fráboðanini hjá Slottinum.

- Eg eri sera hørm um mítt vinarlag við Jeffrey Epstein. Tað er umráðandi fyri meg at biðja tykkum øll um umbering, sum eg havi gjørt vónbrotin. Sumt innihald í boðunum millum Epstein og meg umboðar ikki tað menniskja, sum eg vil vera. Eg harmist eisini um støðuna, sum eg havi sett kongshúsið í, serliga kongin og drotningina, sigur Metta Marit krúnprinsessa í fráboðanini.