Ása Helena Brynjarsdóttir: Eg skrivi til eg yvirraski meg sjálva

Gestur hesa ferð er Ása Helena Brynjarsdóttir.

Eitt dømi um hennara sterku tekstir er sangurin "Eina aftrat", sum á FMA fekk heiðurin at vinna í greinini "Ársins tekstur."

Ása hevur eina bók liggjandi, sum hon skrivar í hvønn morgun. Tað minnir um at skriva dagbók, men tað er meira hugarok, sigur Ása. 

Onkuntíð kemur okkurt, ið kann brúkast, men als ikki altíð. Viðhvørt ber eisini til at venda aftur til okkurt hugskot, ið er komið á blað.

Eitt evni, sum sungið verður um í Studio 5, er dating-mentan, og hvussu viðbrekin tann støðan kann vera. 



Líkamikið um svarið er ja ella nei, tá tú kemur í samband við eitt annað menniskja, hevur tað kensluligar avleiðingar.

Við sær í studio hevur Ása sín Fender, ið bæði er akustiskur og elektriskur.

Í næstum verður høvið at upplíva Ásu live bæði á stovukonsert, ið ikki er kunngjørd enn, og seinni í summar á SALT.

Tað er liður í konsertrøðini Summartónar.



Hvat: Beinleiðis úr Studio 5
Hvar: Í útvarpinum og á KVF Ljóð
Nær: Fríggjamorgun kl. 9.05 og tá tað passar tær á KVF Ljóð
Hesa ferð: Ása Helena Brynjarsdóttir