Danski 1000-krónu seðilin fer úr gildi

Tann 31. mai fer danski 1000-krónu seðilin úr gildi, og tá kann man sostatt ikki longur rinda við pengaseðlinum í handlum.

Samstundis fara eisini eldri útgávur av 500 og 200-krónu seðlum úr gildi, og hetta er í høvuðsheitum vegna trygd, sigur Thorvald Jacob Petersen, leiðari í kundatænastuni hjá Føroya Banka.

Í Danmark hava tey nevniliga havt avbjóðingar, bæði við teimum eldri, og 1000-krónu pengaseðlunum, og verður nýggj røð av pengaseðlum tískil givin út, uttan 1000-krónu seðil.

Sum nú er væntar man ikki at føroyski 1000-krónu seðilin fer úr gildi.