Súsanna súkklaði seg til silvur

Umstøðurnar at súkkla vóru ikki tær bestu, tá kvinnurnar kappaðust í einkultstarti mánadagin.

- Asfaltið var vánaligt, og tað var nógvur vindur, sigur Súsanna Skylv, sum var einasta føroyska kvinnan í kappingini. 

Tað gekk væl hjá Súsonnu, sum megaði at koma á mál við næstbestu tíðini, og hon var fegin eftir kappingina.

- Nú fari eg at hvíla meg væl og fyrireika meg til, at eg skal kappast aftur mikudagin.

Olivia Lett úr Gibraltar gjørdist nummar eitt við tíðini 55:29.6, Súsanna Skylv bleiv nummar tvey við tíðini 56:49.8, og nummar trý bleiv Nicola Valarino eisini úr Gibraltar við tíðini 57:28.2.