Eingin Tony Weyhe - eingin trupulleiki?

Kollfirðingar skulu spæla skjótan og ágangandi hondbólt við sterkari verju.

Tað ljóðar einfalt, tá nýggi venjarin, íslendski Viktor Lekve, sigur tað, men verri er at vísa tað á vøllinum; serliga tá Tony Weyhe ikki longur stendur í verjuni hjá KÍF.

 - Vit hava mist Tony, sum hevur verið ársins verjuleikara nakrar ferðir. Tað hevur sjálvandi nakað at siga. At seta onkran ístaðin fyri ein slíkan mann er ikki bara bara, sigur Fríði Weyhe, sum aftur í ár verður lyklaspælari í Kollafirði.

 - Men so koma okkara ungu spælarir framat. Teir skulu fáa møguleikan uppaftur meir í ár. Tað haldi eg eisini, at venjarin ætlar, og tað er bara gott fyri felagið at lova sínum egnu framat, sigur bakspælarin. 

Spyrt tú um málið heilt konkret, er tað rættiliga greitt. KÍF skal enda omanfyri 5. plássið í grundspælinum, sum annars hevur verið úrslitið farnu tvey árini.