Landsdysturin avlýstur - korona í kekkiska hópinum

 Landsdysturin í hondbólti millum Føroyar og Kekkia, sum skuldi vera í ítróttarhøllini á Hálsi í Havn í kvøld, er avlýstur, boðar Hondbóltssambandið frá.

Koronusmitta varð staðfest í kekkiska hópinum í gjárkvøldið, og ferðalagið fer av landinum seinnapartin í dag.

HSF sigur, at strongu mannagongdirnar eru fylgdar, síðani kekkiska landsliðið kom til landið við egnum flogfari í gjár.

Ferðalagið hevur hildið seg fyri seg sjálvt á flogvøllinum, í bussinum og á hotellinum.

HSF er í tøttum samskifti við heilsumyndugleikarnar og evropeisku hondbóltssamgonguna, EHF.