- Tíðindi, mentan og ítróttur
H71 og Neistin í báðum finalunum
H71 og Neistin í báðum finalunum
H71 og Neistin spæla finalurnar í steypakappingini hjá bæði kvinnum og monnum. Kringvarpið vísir báðar dystirnar beinleiðis í sjónvarpinum
Menninir hjá H71 skulu eisini verja steypið eftir sigurin á Kyndli í fjør
20.02.2021 - 12:48
Finalurnar í steypakappingini í hondbólti seinnapartin verða svartar og bláar.
H71 og Neistin spæla bæði hjá kvinnum og monnum.
At júst hesi bæði feløgini eru í mansfinaluni er ikki óvæntað, tí seinastu seks árini er eingin finala spæld uttan annað av feløgunum hevur verið umboðað. Hesi árini hevur Neistin spælt tríggjar finalur, meðan H71 hevur spælt fýra ferðir.
Verandi steypavinnari, H71, skal verja steypið í finaluni við kvinnum. Í fjør vann H71 tepran sigur á VÍF, og hetta var samstundis fyrsta finalan hjá hoyvíkskvinnum.
Neistin er munandi finaluvandari. Síðstu tíggju árini hava tær bláu spælt í fimm finalum og vunnið tríggjar av teimum. Men seinasta finalan hjá Neistanum var í 2017.
Rokna verður við jøvnum dystum bæði hjá kvinnum og monnum. Kringvarpið vísir finalurnar beinleiðis í sjónvarpinum. Byrjað verður at senda frá finaluni við kvinnum klokkan 16:40 og frá mansfinaluni klokkan 19:10.
Er kopiera
Nýggjastu sendingar í ÚV
Nýggjastu sendingar í SV
