141 fólk koppsett í Norðoyggjum

Sjey fólk fingu fyrra prikið, og 134 fólk fingu seinna prikið, tá ið koppsett var í Norðoyggjum um vikuskiftið.

Tey flestu av teimum koppsettu eru búfólk á røktarheimum.

Nú eru tilsamans 8.068 koppsetingar gjørdar í Føroyum. 4.260 fólk hava fingið fyrru koppsetingina. 3.808 hava fingið seinna prikið, og eru liðugt koppsett.

Nýggj sending við koppingarevni kemur eftir ætlan við flogfarinum mikukvøldið.

Koppsetingin verður tikin uppaftur hósdagin, og tá verður farið at koppseta fólk á bústovnum hjá Almannaverkinum, skrivar corona.fo