Grønlendingar fara í rættin við donskum myndugleikum

Grønlendingar fara í rættin við donskum myndugleikum
Royndarverkætlanin, sum skuldi fáa eitt úrvalslið burtur úr grønlendingum, sum vórðu sendir til Danmarkar, miseydnaðist
22 grønlendsk børn vóru tikin frá familjum sínum og send til Danmarkar.
Mynd: Politiken  
 
22.11.2021 - 08:39

Ein bólkur av grønlendingum dregur nú Danmark í rættin fyri eina sosiala royndarverkætlan, sum tey vóru partur av í 1951.

22 grønlendsk børn vóru tikin frá familjum sínum og send til Danmarkar fyri at fáa tað grønlendska av sær.

Síðani skuldu tey eftir ætlan fara aftur til Grønlands sum eitt úrvalslið, ið tosaði danskt. 

Børnini búðu á barnaheimum í Nuuk, og sluppu ikki at tosa móðurmálið.

Stórar avleiðingar

Verkætlanin fekk stórar avleiðingar fyri børnini. 

Helvtin av teimum fingu sálarligar trupulleikar og hava verið bundin av rúsevnum, fleiri livdu stutt, og minni enn helvtin av teimum fekk eina útbúgving.

Tey seks, sum framvegis liva, krevja nú, at danski staturin rindar teimum endurgjald, skrivar Politiken.

- Tey hava mist sítt familjulív, móðurmálið, mentanina og tilknýti. Hetta er eisini brot á rættinum til privat- og familjulív , sambært evropiska mannarættindasáttmálanum, sigur Mad Krøger Pramming, advokatur, við blaðið.

250.000 kr. í part

Skal málið ikki fyri rættin, krevur bólkurin 250.000 krónur í part til tey, sum eru á lívi.

Skrivstovan hjá Mette Frederiksen, forsætisráðharra, hevur 14 dagar at svara, skrivar blaðið.

Í fjør bóðu danska stjórnin og forsætisráðhann alment um umbering,  bæði skrivliga og á røðarapallinum í Fólkatinginum.

- Vit kunnu ikki broyta fortíðina. Men kunnu taka ábyrgdina á okkum og biðja um umbering fyri, at vit hava svikið tykkum, segði Mette Frederiksen.

Er kopiera
Nýggjastu sendingar í ÚV
Mikudag 1. mai
LEITISSTEIN 30.04.2024 (Hamradun)
174433
Týsdag 30. apríl
Samværi 033 - at geva út
174140
Týsdag 30. apríl
Góðan morgun Føroyar
174385
Nýggjastu sendingar í SV
Týsdag 30. apríl
Mett fyri minni (1:3) - teknmálstulkað
174432
Týsdag 30. apríl
70 metra dýpi - teknmálstulkað
174431
Týsdag 30. apríl
Veðrið
174418
Týsdag 30. apríl
Dagur og vika við 3-2 - teknmálstulkað
174398
Sunnudag 28. apríl
Andakt við Jóhan Peturi Johannesen
174283