USA heitir á sínar ríkisborgarar um at fara úr Ukraina

Amerikanska uttanríkisráðið heitir á allar amerikanskar ríkisborgarar um at fara úr Ukraina alt fyri eitt, tí tekin eru um eina russiska innrás, sum kann henda hvørja løtu.

Boðini frá amerinaksna uttanríkisráðnum vórðu send út í gjárkvøldið.

Í samrøðu við NBC News, endurtekur amerikanski forsetin, Joe Biden tað sama, skrivar Ritzau.

- Viðurskiftini í Ukraina kunnu broytast skjótt, sigur amerikanski forsetin.

Hann ger greitt, at USA ikki fer at senda herfólk inn í Ukraina, fyri at hjálpa amerikanarum, sum fara at flýggja útr landinum, um Rusland tekur Ukraina.

Rusland hevur savnað yvir 100.000 herfólk á markinum til Ukraina, men landið vísir aftur, at ætlanir eru um innrás í Ukraina.