Biður nú um heimild at seta tiltøk í verk móti Russlandi

Jenis av Rana, landsstýrismaður, bað í gjár løgtingið um heilmild til at seta tiltøk í verk á yvirtiknum málsøkjum á sama hátt sum ES og onnur samsint lond hava gjørt eftir innrásina í Ukraina.

Eingin lóg er um slíkt í Føroyum nú.

Eftir innrásina í Ukraina hava ES og onnur lond sum aftursvar sett í verk tiltøk móti Russlandi, Hvítarusslandi og ikki-stjórnarstýrdu ukrainsku økjunum Donetsk og Luhansk.

Løgtingið er nú biðið um, at Føroyar eisini kunnu gera slík tiltøk, tá ræður um yvirtikin mál.