Uppskot um skattalætta leggur eisini trýst á forsætisráðharran

Hóast bretski forsætisráðharrin, Liz Truzz, ikki hevur sitið í embætinum í ein mánað, so verður longu tosað um at koyra hana frá.

Orsøkin er eitt uppskot frá fíggjarmálaráðharranum, Kwasi Kwarteng, sum mælir til at lækka skattin hjá teimum ríku. Tað hevur fingið pundið at lækka nógv í virði.

Bæði fólk í Bretlandi, Altjóða Valutagrunnurin, IMF, bretski tjóðbankin og fólk í Konservativa flokkinum eru misnøgd við uppskotið.

Stóru skattalættarnir skulu fáa gongd á aftur bretska búskapin, og fólk skulu fáa stuðul, so tey kunnu rinda rokningarnar fyri orku.

Er ikki fíggjað

Eingin veit kortini enn, hvussu viðurskiftini vera, tí uppskotið verður ikki lagt fyri parlamantið fyrr enn seinast í november, og heldur ikki fyrr enn tá verður greitt, hvussu ætlanin skal fíggjast.

Tað, sum hevur fingið øði í fólk og myndugleikar, er, at ætlanin ikki er fíggjað, men enn bert eitt hugskot til eitt uppskot, sum ætlanin er at leggja fram.

Men ætlanin hevur loypt hvøkk á tinglimirnar í Konservativa flokkinum, sum nú er í iva um evnini hjá Liz Truzz at leiða bretska samfelagið ígjøgnum kreppuna.