Føroyar í Baltic Cup-finaluni

Føroyska fótbóltslandsliðið við kvinnum vann 3-2 á Lettlandi og tryggjaði sær finalupláss í Baltic Open-venjingarkappingini, sum er í Estlandi.

Heidi Sevdal, Rúna Jacobsen og Ásla Johannesen skutu føroysku málini.

Aftur og fram

Heidi Sevdal legði Føroyar framum tíðliga í dystinum eftir góða føroyska byrjan.

Lettland kom so líðandi betur við, og við tveimum málum í seinna hálvleiki fóru tær framum Føroyar.

Men føroysku kvinnurnar góvu ikki skarvin yvir, og við góðum avrikið sum seinni hálvleikur leið, megnaðu tær ikki bara at javna, men eisini at fáa sigursmálið.

Fyrst javnaði innskifta Rúna Jacobsen við sínum fyrsta landsliðsmáli, og seint í dystinum avgjørdi liðskiðarin, Ásla Johannesen, eftir skjótt mótálop.

Finalan verður sunnudagin ímóti antin Estlandi ella Litava.