Turkaland: Kurdar hava ábyrgdina av atsóknini

Turkaland skuldsetur ein kurdiskan bólk fyri at hava ábyrgdina av eini bumbuspreinging í Istanbul í gjár, sum drap seks fólk og særdi 81.

- Vit hava varhugan av, at boðini um atsóknina komu úr Kobane.

Tað sigur Suleyman Soylu, innanríkisráðharri í Turkalandi, sambært Reuters.

Býurin Kobane har norðuri í Sýria, nærindis turkiska markinum. Har hava seinastu árini verið samanbrestir ímillum kurdiska YPG-herin og turkiskar deildir.

Innanríkisráðharrin sigur, at 22 fólk higartil eru tikin í málinum, skrivar Reuters.

Suleyman Soylu, sigur, at maðurin sum skipaði fyri atsóknini, ferðaðist ígjøgnum býin, Afrin, sum liggur í norðursýria.