Tvey fólk skuldsett fyri njósning í Svøríki

Svenska loyniløgreglan, Sapo, gjørdi skjótt av, tá hon tíðliga í gjáramorgunin tók tvey fólk á leiðini við Stokkhólm og skuldsetti tey fyri njósning.

Tvær tyrlur hjá herinum vóru við í átakinum fyri at tryggja, at fólkini ikki fingu møguleikan at beina fyri nøkrum av tilfarinum, sum tey høvdu, sigur talsmaðurin hjá Sa:po, Frederik Hultgren Friberg, sambært Ritzau.

Hann leggur dent á, at tað var neyðugt at bera skjótt at fyri at fáa so nógv prógv sum møguligt.

Tók ein minutt

Tey, sum vóru tikin, vóru tikin klokkan seks í gjáramorgunin, og tað gekk ikki ein minuttur frá tí. at átakið byrjaði, til íbúðin, sum tey vóru í, var tryggjað.

Fólkini, sum eru tikin, eru eitt par í 60-unum, og tey eru skuldsett fyri at hava njósnast ímóti Svøríki og øðrum londum í meir enn 10 ár, skrivar svenska kringvarpið, SVT.

Málið hevur ikki tilknýti til onnur mál, sum løgreglan arbeiðir við, upplýsir Sa:po.