- Tíðindi, mentan og ítróttur
Bridge: Bogi fyri fjórðu ferð
![](https://kvf.fo/sites/default/files/styles/grein-ovasta-mynd/public/bridge_1.jpg?itok=0hyNmlOO)
Tórshavnar Bridgefestivalur endaði í gjárkvøldi og vinnararnir gjørdust teir somu sum í fjør, Bogi Simonsen og Bjarni Hólmar Einarsson.
Nummar tvey gjørdust Símun Lassaberg og Pól E. Egholm. Teir lógu leingi fremstir men dragnaðu móti endanum. Pól E. Egholm og Símun Lassaberg endaðu eisini á 2. plássi í fjør. Hauksson og Björn Þorláksson úr Íslandi endaðu á triðja plássi.
Hetta er triðju ferð, at Bogi Simonsen og Bjarni Hólmar Einarsson vinna Tórshavnar Bridgefestival. Teir vunnu í 2019 og í fjør. Í 2020 vann Bogi Simonsen saman við norska Nils Kvangraven, so Bogi hevur megnað at vunnið allar fýra festivalarnar, sum verið hava higartil.
120 bridgespælarar vóru við til Tórshavnar Bridgefestival hesaferð.
Komandi ár verður kappast frá 7. til 10. mars.