Sjey við fyri fyrstu ferð

Føroyska landsliðið í badminton, sum skal umboða Føroyar á oyggjaleikunum á Guernsey, er nú úttikið. Tað skrivar Badmintonssamband Føroya.

Av teimum 10 úttiknu eru ikki færri enn sjey, sum eru við á oyggjaleikunum fyri fyrstu ferð.

 - Vit fegnast um, at føroyskt badminton eigur stinnar leikarar, sum halda áfram at íðka, og somuleiðis ein sterkan hóp av yngri leikarum, sum eru klár at taka við, sigur Katrin Jacobsen, forkvinna í Badmintonsambandi Føroya.

Magnus Dal-Christiansen, Jónas Djurhuus og Árant á Mýrini hava verið við fyrr. Eisini er ungdómslandsliðsvenjarin Wong Fai Yin partur av oyggjaleikahópinum.

Millum minni royndu íðkararnar teljast Miriam í Grótinum og Bjarnhild í Buð Justinussen, sum spældu FM-finaluna í fjør og blaðunga Ranja Joensen, sum enn hevur U15-aldur.

Í næstum verður Kontrast FM-kappingin hjá badminton, judo og borðtennis, og har verða onkrir av landsliðsspælarunum við.

Landsliðshópurin í badminton:

Fai Yin Wong HBF
Magnus Dal-Christiansen HBF
Árant á Mýrini MBF
Jónas Djurhuus HBF
Asbjørn Heide Olsen HBF
Mia Thorkildshøj HBF
Miriam í Grótinum HBF
Sanna Thorkildshøj HBF
Bjarnhild í Buð Justinussen KBF
Ranja Joensen KBF

Landsliðsvenjari: Sune Gavnholt