Føroyameistararnir aftur í finalunum

Miriam í Grótinum úr HBF og Árant á Mýruni úr MBF skulu í morgin verja síni føroyameistaraheiti í einmansleiki á stóra FM-degnum, sum verður á Hálsi í Havn, skrivar Badmintonsambandið.

Hjá monnum verður talan um eina endurtøku av finaluni í fjør, tá Árant á Mýruni basti Jónasi Djurhuus úr HBF í eini spennandi finalu. Árant á Mýruni vann á Magnusi Dal-Christiansen í hálvfinaluni, meðan Jónas Djurhuus sendi liðfelagan, Ára Isfeldt, sum var í hálvfinaluni fyri fyrstu ferð, úr kappingini. 

Miriam í Grótinum vann sær finaluplássið eftir sigur á Lenu Mariu Joensen úr Klaksvíkar Badmintonfelag. Hon skal møta Miu Thorkildshøj, sum við at vinna á Bjarnhild í Buð Justinussen í trísettara, skal royna seg í FM-finalu í einmansleiki fyri fyrstu ferð.

Finalurnar leygardagin í Høllini í Hálsi byrjað klokkan 10:00, har Badmintonsamband Føroya saman við Judosambandinum og Borðtennissambandinum skipar fyri KONTRAST FM. Kringvarp Føroya sendir beinleiðis frá finalunum seinnapartin frá klokkan 13.