Jógvan og Fríða eru føroyameistarar

Hjá mansunglingunum legði Jógvan hart út og vann sær eitt wasari, sum er hálvt stig, alt fyri eitt.

Kjartan Gray úr Havnar judofelag megnaði tó at standa í móti ágrýtna álopinum frá Jógvani, inntil Jógvan vann dystin við einum kasti og fekk ippon. 

Mansunglingar:

Nr. 1: Jógvan Hansen, Sunda judofelag 

Nr. 2: Kjartan Gray, Havnar judofelag 

Nr. 3: Bárður í Smiðjuni, Suðuroyar judo

Í dystinum hjá kvinnuunglinunum vann Fríða Borgarlíð, Skálafjarðar judo, við einum haldi, tá ið hon megnaði at halda Josefinu Fjallsbak úr Vága judofelag tey kravdu 20 sekundini, og so var føroyameistaraheitið hennara. 

Kvinnuunglingar:

Nr. 1: Fríða Borgarlíð, Skálafjarðar judo

Nr. 2: Josefina Fjallsbak, Vága judofelag

Nr. 3: Teresa C. Dahl, Klaksvíkar judofelag