- Tíðindi, mentan og ítróttur
Havnar Telvingarfelag fyllir 100 ár
![](https://kvf.fo/sites/default/files/styles/grein-ovasta-mynd/public/talvfelagid.jpg?itok=Ute1bdI-)
Havnar Telvingarfelag er elsta talvfelag í Føroyum, og í dag hátíðarhalda tey 100 ára dagin í hølum felagsins í Finsen í Havn.
Talv er tó aldargamalt í Føroyum. Suni Merkistein, veteranur, hevur skrivað bók um talvsøguna í Føroyum, og hann veit at siga, at talv er gamalt í Føroyum.
Tilvísingar síggjast bæði í kvæðaskaldskapinum og ferðafrásagnum hjá Svabo og aftureftir. Suni Merkistein plagdi at varpa talv út fyrr eisini.
Gongur væl hjá felagnum
Jóannes Guttesen, formaður í felagnum og Andrias Ziska, veteranur, eru fegnir um, at tað gongur væl hjá felagnum framvegis, nú 100 ár eru liðin, síðani felagið varð stovnað.
Andrias Ziska er uppvaksin við talvi og abbi hansara var við til at stovna talvfelagið.
Nakrar avbjóðingar í dag eru, at tað ber til at telva á netinum, og tí skal felagið endurhugsa felagsskapin. Í ár ætla tey at bjóða fleiri tímar fyri óroynd, og tey vóna eisini at fáa fleiri kvinnur at telva, sigur Jóannes Guttesen.
Suni hevði eitt gamalt talv og eina klokku við í útvarpsstovuna, so Andrias og Jóannes - lærlingurin og lærumeistarin - snartelva, meðan Suni varpar út, sum í gomlum døgum.
Lurta eftir samrøðuni við teir tríggjar.