Reiley: "Eg skal í finaluna"

Eurovision-luttøkan er sera krevjandi fyri luttakararnar. 

Tað viðgongur Rani Petersen úr Havn, sum í annaðkvøld fer at skriva føroyska tónleikasøgu, tá hann sum fyrsti føroyingur trínur út á stóra Eurovision-pallin sum solistur. 

Rani Petersen, ella Reiley, sum hann kallar seg í tónlistahøpi, viðgongur, at tað hevur verið stressandi at umboða Danmark í Eurovision-sangkappingini. 

Eurovision, Liverpool, Reiley

Hvíld upp undir stóra dagin

Seinastu dagarnar hevur Reiley brúkt til at hvíla seg eitt sindur og blíva klárur til bæði hóskvøldið, men eisini allar royndirnar, sum hann skal ígjøgnum hesar næstu dagarnar. 

Rani Petersen, ið hevði avlýst allar samrøður týsdagin, gav sær tó tíð at práta við Kringvarp Føroya. 

Hann hevur góðar vónir og heldur seg hava størstu pallsetingina í ársins Eurovision-sangkapping.