Jákup Petur vann triðja teinin á rað

Hattrikk til Jákup Petur Eliassen.

Tað var niðurstøðan eftir triðja tein í Kring Føroyar-súkklukappingini, sum var á fríggjadagin.

Vinnarin frá í fjør er væl fyri, og hevði vunnið bæði einkultstart og fyrsta landavegsteinin, og soleiðis endaði eisini á Sandoynni.

Mesta mótstøðan kom frá Hilmari Hansen, men Jákup Petur Eliassen var sterkari á Brekkuni stóru, fór undan og vann við umleið 40 sekundum.

Andrass Joensen, Bogi Gregersen og Gunnar Dahl-Olsen høvdu súkklað saman stóran part av teininum, og trídystin millum teirra vann Gunnar Dahl-Olsen.

Súsanna Skylv hevði onga at kappast ímóti á Sandoynni, men súkklaði væl og kom á mál við tíðini 2:13:47.1. 

Jákup Petur Eliassen er fremst samanlagt. Hann hevur brúkt fýra tímar og 35 minuttir um teir tríggjar teinarnar, og munurin niður til 2. plássið er seks minuttir. Tískil skal okkurt serligt til, um hann skal missa sigurin.