Heilsumálaráðið: Ov fá lata seg koppseta

Ov fáa taka av tilboðnum um ókeypis koppseting fyri beinkrím og koronu, heldur Heilsumálaráðið.

Tilboðið kom 1.oktober.

Í teldubrævi til fíggjarnevndina hjá løgtinginum fyri slakari viku síðani, sigur Heilsumálaráðið, at 5.206 fólk hava tikið av tilboðnum um koppseting fyri beinkrím.

3.300 hava tikið av tilboðnum um koppseting fyri koronu, síðani nýggja kunngerðin kom 1.oktober.

Fyri 1.oktober tóku 800 av tilboðnum.

Bara fýra børn, í aldrinum tvey til seks ár, hava fingið ókeypis koppseting fyri beinkrím.

Heilsumálaráðið er farið undir at orða eitt uppskot um, hvussu koppsetingarøkið kann skipast í framtíðini við tí máli at fáa enn fleiri at taka av ymsu tilboðunum um ókeypis koppsetingar fyri smittandi sjúkur.