ECB lækkar ikki rentuna

Evropeiski miðbankin, ECB, lækkar ikki leiðandi rentuna, sum er fýra prosent.

Tað skrivar miðilin MarketWire.

Gitingar hava annars verið um, at rentan fór at lækka, nú tamarhald er á inflatiónini í evrulondunum.

Men Evropeiski miðbankin sigur í stuttari fráboðan, at rentan verður verandi fýra prosent, sum hon hevur verið síðani september í fjør. 

Hetta er hægsta renta í søguni hjá ECB.

Evropeiski miðbankin hækkaði rentuna í fjør, í eini roynd at fáa tamharhald á inflatiónini og fáa hana niður á tvey prosent, sum er málið í longdini, skrivar Ritzau.

Inflatiónin í evrulondunum er í løtuni á 2,4 prosent.