Fríi fuglurin varð fongslaður

- Skuldi eg verið ein fuglur, so hevði eg viljað verið ein ferðafalkur.

Síðan hann var 10 ára gamal, hevur Silas Olofson heilhjartaður eygleitt fugl, og í sendingini "Sært tú fuglin" hevur hann givið føroyingum innlit í, hvussu rík og fjølbroytt okkara náttúra er. 

Skjótur sum flytifuglurin ferðafalkurin, veiðir hann alskyns fugl við myndatólinum; og so vil hann sleppa undan at hava fíggindar.

Sum gudfrøðingur, ið fór til Turkalands at vera trúboðari, mundi hann tó komið illa fyri, tí fólk har sóu hann sum fígginda, ið gjørdi seg inn á teirra trúgv.

Hoyr samrøðuna við Silas Olofson, har hann eldhugaður greiðir frá sínum stóra alski til fugl, hoyr um hansara bakgrund, og hvussu hann sær sambandið millum menniskju og náttúru.