Taka ikki undir við at Skt.Jósefs barnagarður verður kommunalur dagstovnur

Tórshavnar kommuna keypir dagstovnin hjá katolikkunum, Skt.Jósefs barnagarð, fyri 8 milliónir krónur.

Tað samtykti býráðið einmælt seint seinnapartin.

Skt.Jósefs barnagarður er sjálvsognarstovnur, men hann verður nú vanligur kommunalur dagstovnur.

Men tað eru fólk, sum ikki halda tað vera rætt, at dagstovnurin nú verður kommunalur.

Fyri aðru viðgerð í býráðnum í dag, vóru foreldur og nevndarlimir í sjálvsognarstovninum komin at mótmæla á Vaglinum. 

Hoyr samrøðu við Louise Restorff Jacobsen og Harald Joensen í tíðindunum

Formaðurin í mentamálanevndini í Tórshavnar kommunu, Annfinn Brekkstein, vissar foreldur um, at umstøðurnar í Skt.Jósefs barnagarði ikki gerast verri, nú barnagarðurin fer at verða rikin sum vanligur kommunalur dagstovnur.

Tað segði hann millum annað, tá málið var til aðru viðgerð í býráðnum seint seinnapartin.

Lurta her: