- Tíðindi, mentan og ítróttur
Russland eftirlýsir Juliu Navalnaja
Russland eftirlýsir Juliu Navalnaja
Einkjan eftir Aleksej Navalnyj kann vænta at verða handtikin, um hon kemur til Russlands
![](https://kvf.fo/sites/default/files/styles/grein-ovasta-mynd/public/julia_navalnaja.jpg?itok=tnR6ctFA)
Julia Navalnaja hevur í fleiri ár búð í útlegd,
Mynd: AFP/Ritzau Scanpix
10.07.2024 - 08:30
Russland eftirlýsir nú Juliu Navalnaja.
Julia Navalnaja er einkjan eftir russiska andstøðuleiðaran Aleksej Navalnyj, sum 16. februar doyði í einari fangalegu í Sibiria.
Tað skrivar tíðindastovan NTB, sum endurgevur almenna russiska miðilin RIA Novosti.
Síðan maðurin doyði, hevur Julia Navalnaja hildið fram við stríðnum hjá manninum, og er vorðin ein av fremstu andstøðuleiðarunum móti russisku stjórnini og forsetanum, Vladimir Putin.
Sambært rættarskjølum verður Julia Navalnaja ákærd fyri at vera í einum víðgongdum bólki.
Navalnaja hevur í fleiri ár búð í útlegd, men við nýggju eftirlýsingini kann hon vænta at verða handtikin, um hon stígur fótin á russiska jørð.
Nýggjastu sendingar í ÚV
Nýggjastu sendingar í SV