- Tíðindi, mentan og ítróttur
Vænta meiri ófrið í Onglandi
![](https://kvf.fo/sites/default/files/styles/grein-ovasta-mynd/public/20240731-174224-l-1920x1280we.jpg?itok=DvNlCPyO)
Orsøkin til ófriðin er, at trý børn vórðu dripin og tíggju onnur særd, tá tað man heldur vera 17-ára gamli drápsmaðurin leyp á við knívi til eitt dansitiltak.
Fleiri býir og moskur í Onglandi tryggja seg eykað væl hetta vikuskiftiðt, tí fleiri løgregludømi siga seg vita, at høgraradikal leggja ætlanir um nógv mótmæli, sum verða løgd til rættis á sosialum miðlum.
Sambært tíðindamiðlinum The Guardian eru ætlanir um í minsta lagi 19 mótmæli um alt Ongland hetta vikuskiftið.
Í vikuni hevur ófriður verið í býunum Hartlepool, Manchester, Aldershot, Southend-on-Sea og í London.
Mótmælini hava í stóran mun snúð seg um asyllóggávu.
Tað verður mett, at uttasti høgravongurin stendur aftanfyri mótmælini - upp á skeivar upplýsingar um upphavið hjá brotsmanninum.
Søgurnar um tann 17 ára gamla snúgva seg um, at hann skal hava verið úr Sýria og søkt um skjól í Bretlandi, hóast hann skal hava framt yvirgang. Hesar søgurnar eru tó ósannar greiddi ein dómari frá í gjár, tá tann 17 ára gamli varð settur í varðhald.
Nógv av ófriðinum hevur verið við moskur - tí verður trygdin uppraðfest frammanfyri hundraðtals moskur í Bretlandi hetta vikuskiftið.