Villleiðandi marknaðarføring

Stríð hevur tikið seg upp millum netmiðlarnar í Føroyum. Vágaportalurin hevur kært nýggja portalin hjá Miðlahúsinum, in.fo, til Brúkaraumboðið.

Tað er gjørt, tí Miðlahúsið, sambært blaðstjóranum á Vágaportalinum, Ólavi í Beiti, brúkar villleiðandi og misvísandi tøl í sínari marknaðarføring um sín egna tíðindasíðu.

Tað skrivar triði portalurin, portal.fo, ið eisini hevur tosað við blaðstjóranum á Vágaportalinum.

Stríðið millum netmiðlarnar snýr seg um vevmátingarlistan, ið skrásetur, hvussu nógv vitjað teir ymisku portalarnar.

Bæði Vágaportalurin, in.fo, portal.fo og heimasíðan hjá Norðlýsinum hava seinasta samdøgrið skrivað um trætuna.