Fimti maðurin skal eisini sita í varðhaldi fýra vikur aftrat

Maðurin, sum ikki sjálvboðin vildi sita í varðhaldi í fýra vikur aftrat, var fríggjadagin í Føroya rætti dømdur at vera í varðhaldinum í fýra vikur.

Fimm menn eru skuldsettir fyri at royna at hvítvaska 1,3 mió. kr. og fyri at hava 18 kilo av hassji og 700 gram av MDMA í varðveitslu.

Rúsevnini vóru grivin í haganum oman fyri Kirkjubø.

Allir fimm skulu vera í varðhaldi í fýra vikur aftrat.

Tað var avgjørt fríggjadagin.

Teir fýra vóru ikki í rættinum. Teir valdu sjálvbodnir at vera verandi í varðhaldinum. 

Allir fimm menninir nokta seg sekan.

Teir hava verið í varðhaldi síðani í oktober í fjør.