Jóhan Christiansen: "Hendan kjansin kundi eg ikki siga nei til"

Jóhan Christiansen hevur vitað, at hann var í spæl at gerast nýggjur landsstýrismaður í fiskivinnumálum. 

Men tað var ikki fyrr enn í gjárkvøldið, at hann fekk at vita, at valið var fallið á seg. 

"Eg fari øgiliga eyðmjúkur til verka, tí eg veit, at tað eru nógv dugnalig fólk í flokkinum, og tí er tað ein stórur heiður, at valið fall á meg," sigur nýggi landsstýrismaðurin í fiskivinnumálum. 

Jóhan Christiansen ivaðist tó onga løtu í at taka av, tá honum stóð í boði at gerast landsstýrismaður.

"Hetta er ein kjansur, ið eg ikki kundi siga nei til," staðfestir hann.