Týskland fingið nýggja stjórn

Týskland hevur fingið nýggja stjórn í dag, 45 dagar eftir valið.

Konservativi flokkarnir, CDU/CSU, og sosialdemokratarnir, SPD, hava skipað samgongu.

Friedrich Merz, formaður í CDU, verður nýggjur samveldiskanslari. Hann tekur við eftir sosialdemokratin, Olaf Scholz, sum hevur verið stjórnarleiðari seinastu trý árini.

Samgonguskjalið, sum ikki er undirskrivað enn, verður lagt fram seinnapartin í dag, skrivar týski miðilin Bild. 

Atkvøðast skal um samgonguskjalið.

- Týskland fær við okkum eina virkisfúsa stjórn, sigur Friedrich Merz. 

Millum annað ætlar stjórnin at seta ferð á týska búskapin, áseta betri eftirlit við landamørkini og skipa eitt talgildismálaráð.

Friedrich Merz væntar, at nýggja stjórnin fer til verka fyrst í mai mánaði.