Oljugrunnurin 438 milliardir í avlopi fyrra hálvár

Norski oljugrunnurin hevði stórt avlop í fyrra hálvári.

Avlopið var 698 milliardir norskar krónur, skrivar Reuters. Tað svarar til okkurt um 438 milliardir í okkara pengum.

- Góða gongdin á partabrævamarknaðinum, serliga í fíggjargeiranum, er orsøkin til góða úrslitið, sigur Nicolai Tangen, stjóri í oljugrunninum.

Virksemið hjá oljugrunninum byggir mest á at eiga partabrøv í nógvum fyritøkum um allan heim. Hann er í dag millum størstu almennu pengatangar í øllum heiminum, og eigur í miðal 1,5 prosent av øllum børsskrásettum partabrøvum í heiminum. 

Norski oljugrunnurin var settur á stovn í 1996.