Hákun ímóti Eliasi í ársins fyrsta dysti

Føroysku landsliðsstjørnurnar Hákun West av Teigum og Elias Ellefsen á Skipagøtu vera á hvør sínum liðið, tá týska hondbóltsárið verður kastað í gongd við Super Cup-dysti í München.

Hákun West av Teigum heldur fram á høgra veingi hjá Füchse Berlin, sum vann sítt fyrsta meistaraheitið í fjør, meðan Elias Ellefsen á Skipagøtu framvegis er í svørtum og hvítum, hóast søgur settu hann í samband við eitt skifti til GOG í summar.

Høvuðsstaðarfelagið var omaná í innahýsis dystunum í Bundesliguni millum feløgini bæði í fjør. Füchse Berlin vann nevniliga tveir av dystunum og ein endaði við javnleiki. 

Týska Bundesligan byrjar annars næsta mikukvøld, tá Vilhelm Poulsen og Hannover Burgdorf taka ímóti Gummersbach. Hóskvøldið vitjar Kiel hjá Erlangen, og Füchse Berlin spælir á heimavølli ímóti Bergischer HC sunnudagin.