Kommunur taka væl ímóti ætlanini um at yvirtaka alt demensøkið

Kommunurnar taka væl ímóti ætlanini hjá landsstýrinum at leggja alt demensøkið út til kommunurnar.

Tórbjørn Jacobsen, formaður í Kommunufelagnum, sigur, at eldraøkini í kommununum eru betur før fyri at taka sær av øllum demensraktum enn Almannaverkið, eisini teimum undir 67 ár, sum í løtuni eru undir Almannaverkinum. 

Ein arbeiðsbólkur hevur viðgjørt spurningin um endurgjald frá landinum til kommunurnar fyri eisini at yvirtaka demensrakt, sum eru undir 67 ár, og formaðurin í Kommunufelagnum letur væl at arbeiðnum. 

Dagtilboð og umlætting til fólk við demensi kosta Almannaverkinum 4,6 mió. kr. í ár.

Hesir pengar vera fluttir kommununum, stendur í viðmerkingunum um lógaruppskotið frá Almanna- og mentamálaráðnum.

Hoyr innslag í útvarpstíðindunum:

Sí eisini: Kommunurnar fáa alt demensøkið