Fyrrverandi forsætisráðharri í Bangladesj dømd deyðarevsing

Fyrrverandi forsætisráðharrin í Bangladesj, Sheikh Hasina, er dømd deyðarevsing fyri brotsgerðir móti mannaættini.

Tað hevur ein dómstólur gjørt av, skrivar Reuters.

Málið byrjaði í juli í fjør, tá Sheik Hasina setti eina gamla kvotuskipan í gildi aftur.

Serliga ungfólk vóru ímóti skipanini, sum bar í sær, at 30 prosent av frælsisstríðsfólki og eftirkomarar teirra skuldu eiga rættin til 30 prosent av almennum størvum.

Tey ungu søgdu seg vera fyri vanbýti í eini tíð, tá nógv ungfólk vóru arbeiðsleys í Bangladesj.

Eftir nógv mótmæli var kvotuskipanin sett úr gildi aftur. 1.400 fólk lótu lív í samanbrestum, sigur ST í eini frágreiðing.

Ein týdningarmikil spurningur í rættarmálinum var, um Hasina gav boð um at drepa, men tað hevur hon víst aftur.