Fýra fólk deyð í russiskum dronuálopi á Kharkiv

Fýra fólk hava latið lív og fleiri eru særd, eftir at Russland í gjárkvøldið leyp á ukrainska býin, Kharkiv.

- Hetta er eitt ógvusligt álop, skrivar borgarstjorin í býnum, Ihor Terekhov, á Telegram, sambært Reuters tíðindastovuni.

Í minsta lagi 15 dronuálop eru skrásett í økinum kring Kharkiv.

Samstundis hevur Ukraina eisini lopið á Russland.

Sambært russiska verjumálaráðnum eru 93 ukrainskar dronur skotnar niður.

Eingi boð eru komin um, at fólk hava latið lív ella hava fingið skaða.