Sjóvindmyllur í Norðsjónum skulu framleiða 100 gigawatt av streymi

Noreg, Danmark, Bretland og sjey onnur lond fara at gera avtalu um at veita 100 gigawatt av streymi frá sjóvindmyllum í Norðsjónum, skrivar Reuters.

Sambært tíðindastovuni, verður avtalan eftir ætlan undirskrivað á einum toppfundi um sjóvindorku í Hamburg í dag.

Londini binda seg til at veita 100 gigawatt av vindorku gjøgnum stórar felags verkætlanir, upplýsir bretska stjórnin.

Til samanberingar var samlaða orkuframleiðslan í Noregi við ársbyrjan í fjør 40,3 gigawatt. Meginparturin stavaði frá vatnorku, upplýsir norska vatntilfeingis- og orkustýrið (NVE).

Nýggja lyftið frá Norðsjóvarlondunum er sostatt meira enn tvífalt so stórt sum orkuframleiðslan í Noregi.

Avtalan kemur bert fáar dagar eftir, at amerikanski forsetin, Donald Trump, herdi sína atfinningar móti grønari orku. 

Avtalan er greitt tekin um, at stjórnirnar í vestur- og norðurevropa framvegis leggja dent á vindorku sum ein hátt at styrkja orkutrygdina í økinum, skrivar Reuters.