Norðurlendskir forsætisráðharrar í Kyiv

Danski forsætisráðharrin, Metta Frederiksen, norski forsætisráðharrin, Jonas Gahr Støre, og svenski forsætisráðharrin, Ulf Kristersson, komu í morgun til Kiev við sama toki.

Tað skrivar norska VG.

Sambært miðlinum koma ríkis- og stjórnarleiðarar úr øllum norðurlendsku og baltisku londunum til Kiev í dag í sambandi við, at fýra ár eru liðin, síðani Russland leyp Ukraina.

Norski forsætisráðharrin staðfestir, at londini hava sterkt samband, og eru tjóðirnar, sum hava tættasta sambandið við Ukraina.

Ursula von der Leyen

ES-forkvinnan eisini í Kyiv

Eisini forkvinnan í ES-nevndini, Ursula von der Leyen, er komin til Kyiv. 

Tað skrivar hon á sosiala miðlinum X. 

- Hetta er 10. ferð, at eg vitji í Ukraina, síðani kríggið brast á, skrivar hon.

Vitjanin snýr seg um at staðfesta, at Evropa "stendur óvikandi" saman við Ukraina - bæði búskaparliga og hernaðarliga "gjøgnum hendan harða veturin".

- Vit slaka ikki, fyrr enn friður er aftur, sigur forkvinnan í ES-nevndini, Ursula von der Leyen.