Eingin ætlan um at byggja fótbóltshøll í Havn

Meirilutin í Tórshavnar býráð hevur í løtuni ongar ítøkiligar ætlanir um at byggja fótbóltshøll í høvuðsstaðnum.

Tað sigur Heidi Lava Elgeirsdóttir, forkvinna í mentamálanevndini.

Kommunan tók ikki av møguleikanum at søkja fótbóltssambandið um fíggjarligan stuðul at byggja fótbóltshøll, sum millum annað Eysturkommuna og tvær aðrar kommunur gjørdu fyrr í ár.

- Pengar eru ikki til fótbóltshøll í løtuni, sigur Heidi Lava Elgeirsdóttir.

Hon mælir til samstarv millum meiriluta og minniluta í býráðnum at fara undir at fyrireika fótbóltshøll.

Hoyr innslag í útvarpstíðindunum: 

Sí eisini: Býráðslimur: Sjálvmál at Havnin ikki søkti um stuðul til fótbóltshøll