Landsstýrismaðurin váttar: Mvg-frítøkan verður ikki longd

Landsstýrið ætlar ikki at leingja mvg-frítøkuna á bensini og dieseli.

Tað váttar Aksel V. Johannesen, landsstýrismaður í fíggjarmálum, í dag.

Tá landsstýrissamgonga varð skipað 13. apríl, var ein av avtalaðu setningunum í samgonguskjalinum at "Fyribilstiltøk verða sett í verk fyri at lætta um hjá fólki, nú oljuprísirnir eru hækkaðir munandi."

Longu 11 dagar seinri varð lógaruppskot lagt fyri tingið um mvg-frítøku á bensini og dieseli.

Uppskotið varð samtykt við stórum meiriluta, og bensin og diesel eru mvg-frí frá 16. mai til og við 31. juli í ár.

samgongusamráðingar, Løgtingsvalið 2026, Aksel V. Johannesen, mynd: Bjarni

Frítekst tagging: 

samgongusamráðingar

Løgtingsvalið 2026

Aksel V. Johannesen

mynd: Bjarni

Fer úr gildi av sær sjálvum

Fyrradagin segði Kringvarpið, at at mvg-frítøkan eftir øllum at døma ikki fór at verða longd.

Tá eydnaðist ikki at fáa eina viðmerking frá landsstýrismanninum. Men eftir at hava tosað við stjórarnar í báðum oljufeløgunum, sum selja bensin og diesel í Føroyum, og við løgtingsformannin, var alt, sum bendi á, at ongar ætlarnir vóru at broyta lógina, áðrenn mvg-frítøkan gongur út av sær sjálvari, tá hesin mánaðurin er liðugur.

Í dag sigur Aksel V. Johannesen í stuttari viðmerking, at ætlanin ikki er at leingja frítøkuna.

Sostatt kemur meirvirðisgjald aftur á bensin og diesel, sum verða keypt á føroyskum bensinstøðum, frá 1. august at rokna, og prísurin hækkar samsvarandi.